Региональные новости: Воложинский район

Пятница, 04 августа 2017 09:30  |  Источник  Працоўная слава

Музыка абуджае душу

Сёлета ў 15-ы, юбілейны раз пры Івянецкім касцёле Св. Міхала ў рамках маладзёжнага злёту працавала Музычная майстэрня.

Моладзь каталіцкіх парафій Беларусі і Польшчы палюбіла Івянец як месца, дзе збіраюцца аднадумцы, дзе грае музыка, пануе ўзнёслы настрой і гучаць пранікнёныя малітвы. У апошні тыдзень ліпеня гарпасёлак адразу павялічыўся на 236 юных асоб. Гэта былі вучні старэйшых класаў, студэнты, аб’яднаныя чыстым духоўным памкненнем – пасылаць хвалу Усявышняму і дзякаваць Яму за жыццё на гэтым цудоўным свеце.

Кожны вечар, калі на непаўторны Івянец лілося святло нябесных зорак, увысь падымаліся песні ў выкананні юнакоў і дзяўчат. Самым папулярным інструментам была спадарожніца ўсіх вандроўнікаў – гітара, але не забытымі аказаліся флейты, баяны, акардэоны, фартэпіяна. Вельмі парадавала слухачоў майстэрства струннага квартэта з Польшчы.

Музычная майстэрня – праект не толькі для вернікаў, але і для тых, хто яшчэ шукае Бога. Усебакова падтрымліваюць мерапрыемства органы мясцовай улады, праваахоўнікі, медыкі і супрацоўнікі МНС. Жыхары ж Івянца і навакольных вёсак адораны магчымасцю далучыцца да прыгожага, а таксама бачыць, наколькі сапраўдная вера патрэбна маладому пакаленню.

Застаецца толькі падзякаваць галоўнаму рупліўцу, пробашчу касцёла Св. Міхала айцу Леху Баханэку за стваральную сілу яго багатай душы.

Алена ЗБІРЭНКА


Годна прадставіла раённы гандаль

Нядаўна ў Дзяржынску адбыўся абласны конкурс прафесіянальнага майстэрства сярод прадаўцоў прамысловых і непрамысловых тавараў. Упершыню ў падобным спаборніцтве прыняла ўдзел прадавец універмага Жанна Міхайлаўна ШАЎЛЮК. Дэбют вопытнага гандлёвага работніка аказаўся ўдалым. Сярод 44 удзельніц прадстаўніца Валожыншчыны заняла трэцяе месца. Яна ўзнагароджана Ганаровай граматай і каштоўнымі падарункамі.

Жанна Міхайлаўна ў прафесіі з 1988 года. Амаль увесь працоўны стаж набыты ў родным раёне. Пачынала ў вясковых магазінах вёсак Вішнева і Сакаўшчыны, затым некалькі гадоў удасканальвала майстэрства ў сталіцы. Ужо шмат гадоў дапамагае пакупнікам Валожына выбіраць электратавары. Прафесійны разрад яе самы высокі – шосты.

Падчас конкурсу прыгожая жанчына і выдатны прафесіянал годна вытрымала ўсе выпрабаванні. А былі яны няпростымі. Па-першае, патрэбна было прайсці тэсціраванне; па-другое, рэкламаваць тавар. Давялося прадэманстраваць і навыкі ў выкладцы. Фінальным жа заданнем стала візітоўка, якую журы ацаніла на выдатна.

Традыцыйна пераможцам падобнага конкурсу райспажыўтаварыствам устанаўліваецца надбаўка да зарплаты ў памеры не менш за 20%. Выплачваецца яна на працягу года незалежна ад вынікаў работы і выканання плана.

Валянціна КРАЎНЕВІЧ

Прочитано 85 раз

Прямая речь

Исаченко Анатолий Михайлович

Председатель Минского областного исполнительного комитета

«…Лён - это особая культура и отношение к ней должно быть особым…»

14.08.2017
Рабочая поездка, Слуцкий район