Працуе раённая камісія

Среда, 24 января 2018 09:30  |  Источник  Газета "Прамень", Надзея БАТАЛКА

Стаўбцоўская раённая выбарчая камісія па выбарах дэпутатаў мясцовых Саветаў дэпутатаў дваццаць восьмага склікання (на здымку) на сваім чарговым пасяджэнні разглядала пытанне аб рэгістрацыі кандыдатаў у дэпутаты Стаўбцоўскага раённага Савета дэпутатаў.

Як адзначыў старшыня раённай выбарчай камісіі Сямён Юрчык, у 25 выбарчых акругах падалі дакументы на рэгістрацыю кандыдатамі ў дэпутаты 28 чалавек. Папярэдне членамі камісіі была праведзена праверка пакетаў дакументаў, якія паступілі на рэгістрацыю, на дакладнасць занесеных у іх звестак. Парушэнняў не выяўлена. Правераны падпісныя лісты кандыдатаў у дэпутаты, якія вылучаліся шляхам збору подпісаў грамадзян. Не набраў неабходнай колькасці подпісаў толькі адзін кандыдат, якому і было адмоўлена ў рэгістрацыі. Усе патрабаванні Выбарчага кодэкса вылучаных ад працоўных калектываў захаваны.

Такім чынам, камісія аднагалосна зарэгістравала 27 кандыдатаў. Затым быў зацверджаны тэкст бюлетэняў для галасавання па кожнай выбарчай акрузе і вызначана іх прыкладная колькасць. Узоры бюлетэняў будуць надрукаваны ў газеце.

Праведзена жараб’ёўка паміж кандыдатамі ў дэпутаты для вызначэння даты і часу выступленняў па беларускім радыё і тэлебачанні.

Пачынаецца перадвыбарная агітацыя. Стаўбцоўскай раённай выбарчай камісіяй будуць заказаны агульныя агітацыйныя плакаты з біяграфічнымі данымі ўсіх кандыдатаў у дэпутаты. За кошт сродкаў уласных выбарчых фондаў кожны кандыдат мае права зрабіць сабе рэкламу і выпусціць асобны плакат.

Вызначаны і абсталююцца ўчасткі для галасавання, на іх арганізаваны дзяжурствы. Кожны выбаршчык мае права прыйсці на свой участак і пацікавіцца, ці ёсць ён у спісах, а таксама атрымаць неабходную інфармацыю. Дарэчы, спісы, як і звычайна, будуць удакладняць члены ўчастковых камісій, кожны на замацаваным за ім участку. Выраблены ў Стаўбцоўскай друкарні паведамленні, якія будуць раздадзены выбаршчыкам пры ўдакладненні спісаў.

Подробнее

Прочитано 228 раз

Прямая речь

Исаченко Анатолий Михайлович

Председатель Минского областного исполнительного комитета

«…Основа всего – нужно жить и работать в русле закона, тогда всё будет понятно и ясно…»

16.05.2018
Молодечно, прием граждан