Меркаванне: "На выбары трэба ісці абавязкова – гэта выдатная магчымасць змяніць у лепшы бок многае"

Четверг, 01 февраля 2018 13:30  |  Источник  Газета "Крупскі веснік", Татьяна Толкачева

Ніна Міхайлаўна МОІК, ветэран педагагічнай працы, г. п. Бобр.

– Выбары дэпутатаў мясцовых Саветаў дэпутатаў з’яўляюцца важнай вехай у развіцці дэмакратычнага грамадства. Натуральна, усе грамадзяне не могуць непасрэдна і пастаянна ўдзельнічаць у кіраванні дзяржавай і вырашаць праблемы. Жыццё сучаснага грамадства складанае і дынамічнае. Але менавіта пры дапамозе выбараў мы ўдзельнічаем у гэтым працэсе, вылучаючы сваіх прадстаўнікоў у кіруючыя органы. Мы давяраем ім і добраахвотна перадаем частку сваіх правоў па кіраванні грамадствам.

Як вядома, выбаршчыкі мяркуюць па справах, што робяць нашы выбраннікі. Калі гаварыць аб гэтым, успамінаецца, як у свой час, калі я была дэпутатам мясцовага Савета дэпутатаў, і, дарэчы, не аднаго склікання, выбаршчыкі мне таксама давалі наказы. І я імкнулася іх выконваць. У Бабры я жыву з 1957 года. Мой бацька  быў ваенным, таму мне давялося ў свае часы праехаць ад Брэста да Чукоткі. Нарадзілася ва Украіне, у горадзе Хмяльніцкі. Скончыла педагагічнае вучылішча ў Брэсце. Адкуль і была накіравана на Крупшчыну, дзе больш сарака гадоў адпрацавала настаўніцай пачатковых класаў Бобрскай сярэдняй школы. Узнагароджана знакам «Выдатнік народнай асветы БССР», захоўваю Ганаровую грамату БССР, з’яўлялася сакратаром партыйнай арганізацыі школы, членам камітэта народнага кантролю. 

Жыву па вуліцы Барсукова. Ведаю, што сённяшнім дэпутатам даводзіцца нялёгка. Бачу, як яны стараюцца, каб і ў цэлым у гарадскім пасёлку, і на кожнай вуліцы быў парадак. Кожны год сельвыканкам праводзіць агляд-конкурс на лепшае падвор’е. І варта заўважыць, што ўсе пасялкоўцы імкнуцца, каб іх домаўладанне было добраўпарадкаваным і прывабным. Разглядваюць дэпутаты і запыты выбаршчыкаў. Я ўпэўнена, што і тыя дэпутаты мясцовых Саветаў дэпутатаў, якіх хутка будзем выбіраць, працягнуць эстафету добрых спраў і таксама будуць актыўна працаваць дзеля дабрабыту людзей.

На выбары трэба ісці абавязкова, бо гэта выдатная магчымасць змяніць у лепшы бок многае. Дэпутаты, якіх мы выбіраем, ведаюць любую сітуацыю ў сваім рэгіёне, канкрэтныя патрэбы насельніцтва. Хаця яны не маюць вялікіх фінансавых сродкаў, тым не менш, знаходзяць аптымальныя рашэнні і  імкнуцца дастойна рабіць сваю справу. Наш выбраннік павінен быць гатовы несці адказнасць за лёс кожнага з нас, не баяцца цяжкасцей і праблем, з якімі да яго пойдуць выбаршчыкі. Гэта вельмі няпростая місія. Самааддана працаваць дзеля дабрабыту сваіх выбаршчыкаў змогуць толькі тыя кандыдаты, каго ў мясцовыя Саветы прывядзе цвёрдае перакананне і імкненне канкрэтнымі справамі дапамагаць людзям.

Подробнее

Прочитано 415 раз

Прямая речь

Исаченко Анатолий Михайлович

Председатель Минского областного исполнительного комитета

«…Нужно грамотно выполнять свои должностные обязанности…»

26.07.2018
г.Минск, заседание Минского областного исполнительного комитета