Валанцёрства — рэальная дапамога

Четверг, 08 февраля 2018 16:00  |  Источник  Газета “Бярэзінская панарама”, Алена ГРОМАВА

У сераду, 7 лютага, на базе Бярэзінскага тэрытарыяльнага цэнтра сацыяльнага абслугоўвання насельніцтва ў рамках перадвыбарнай акцыі адбыўся семінар-вучоба для валанцёраў Бярэзіншчыны “Валанцёрства – рэальная дапамога”.

Арганізатарам мерапрыемства выступіў райкам ГА “БРСМ”. Бескарыслівае аказанне дапамогі, шчырая аддача часцінкі сябе і свайго часу – гэтыя рысы ўласцівыя кожнаму, хто становіцца на шлях валанцёрства. Семінар-вучоба ў гэты дзень аб’яднаў вучняў старэйшых класаў з усіх гарадскіх школ.

Спачатку перад прысутнымі, якія пажадалі выступіць у якасці валанцёраў у час перадвыбарнай і выбарнай кампаній, пазнавальную гутарку правяла першы сакратар ГА “БРСМ” Алеся Гурынава, у ходзе якой было расказана і паказана, як аказваць рэальную дапамогу людзям са слабым зрокам, нават, як прапанаваць свою дапамогу, як распачаць гутарку, бо важна не толькі мець практычныя навыкі па аказанні патрэбнай дапамогі, а і ўмела падабраць патрэбныя словы, умець распачаць і весці размову.

Далей перад удзельнікамі семінара-вучобы выступіў Павел Картэль, які распавёў, што яго траўме, пасля якой ён апынуўся ў інвалідным крэсле-калясцы, ужо пяць гадоў, і расказаў валанцёрам, якая дапамога можа спатрэбіцца інвалідам-калясачнікам пры пераадоленні такіх перашкод, як бардзюры ці ганкі будынкаў. Потым на ганку тэрытарыяльнага цэнтра некаторыя з валанцёраў паспрабавалі сябе ў рэальнай справе, дапамагаючы Паўлу.

Юных добраахвотнікаў, якіх сабраў семінар-вучоба, аб’ядноўвае не толькі жаданне дапамагаць бескарысліва, ад чыстага сэрца. Ім падабаецца гэтае пачуццё – быць карысным. І хутка з пытання “Чым я магу быць вам карысным?” пачнецца іх рэальная валанцёрская дапамога.

Подробнее

Прочитано 239 раз

Прямая речь

Исаченко Анатолий Михайлович

Председатель Минского областного исполнительного комитета

«…Нужно грамотно выполнять свои должностные обязанности…»

26.07.2018
г.Минск, заседание Минского областного исполнительного комитета