ВЫБОРЫ 2018: Ідзе датэрміновае галасаванне

Вторник, 13 февраля 2018 13:10  |  Источник  Газета "Прамень", Таццяна ПЯТКЕВІЧ

На Ленінскім участку для галасавання № 1 па выбарах дэпутатаў мясцовых Саветаў дэпутатаў 28-га склікання працягваецца датэрміновае галасаванне. У спакойнай абстаноўцы, пры захаванні ўсіх нормаў выбарчага заканадаўства.

Другі дзень, як выбаршчыкі маюць магчымасць аддаць свой голас за дастойных кандыдатаў у абласны і раённы Саветы дэпутатаў. У нядзелю, 18-га лютага, – асноўны дзень галасавання. Кожны з выбаршчыкаў вырашае сам, калі яму зручна прыйсці на ўчастак. Выбар у даным выпадку мае істотнае значэнне, таму што сярод выбаршчыкаў нямала людзей ва ўзросце. У межах Ленінскага ўчастка акурат знаходзіцца старая забудова горада, так бы мовіць, яго гістарычны цэнтр, у якім пражывае нямала стаўбчан-старажылаў. Разам са старэйшым пакаленнем чакаюць тут і моладзь, тых, хто прыйдзе галасаваць упершыню. Згодна з удакладненымі данымі, усіх на ўчастку зарэгістравана 1868 выбаршчыкаў.

– Пяцёра маладых людзей будуць галасаваць упершыню. У спісы выбаршчыкаў таксама ўключаны некалькі грамадзян Расійскай Федэрацыі, якія дасягнулі да дня выбараў 18-ці гадоў і пастаянна пражываюць на тэрыторыі раёна і, у прыватнасці, нашага ўчастка для галасавання, – называе асаблівасці Ленінскага ўчастка для галасавання старшыня ўчастковай выбарчай камісіі Наталля Хвасько.

Адметнасць і ў тым, што месца размяшчэння Ленінскага ўчастка перанесена – з памяшкання сярэдняй школы № 2 у раённы Цэнтр культуры. У тым, што выбар зроблены на карысць РЦК, не апошнюю ролю сыграла безбар’ернае асяроддзе – трапіць на ўчастак, дзе няма высокіх прыступак, лесвіц і т. п., не складзе цяжкасці выбаршчыкам з інваліднасцю, маламабільным грамадзянам. Акрамя таго, пры неабходнасці гатовы прыйсці на дапамогу валанцёры БРСМ і Чырвонага Крыжа.

На ўваходзе ў РЦК вывешаны плакат аб правядзенні выбараў, інфармацыя аб размяшчэнні тут участка для галасавання, яго межах у разрэзе вуліц горада, змешчаны лістоўкі з данымі пра кандыдатаў у дэпутаты. Такія лістоўкі члены камісіі прыносілі і выбаршчыкам дадому падчас уручэння запрашэнняў на выбары. Тады ж была вызначана колькасць тых, хто не зможа прыйсці на ўчастак і хацеў бы прагаласаваць дома. З 2-га лютага на ўчастку па вечарах дзяжураць члены камісіі, таму выбаршчыкі загадзя могуць высветліць усе незразумелыя для сябе пытанні.

Як падкрэслівае Наталля Хвасько, для надомнага галасавання, якое прадугледжана законам у асноўны дзень выбараў, на ўчастку падрыхтаваны дзве ўрны. Датэрміновае галасаванне ідзе на ўчастку ў асобную вялікую ўрну. Такая ж урна яшчэ чакае свайго часу, а ён наступіць у асноўны дзень галасавання. На ўчастку ўстаноўлены дзве кабіны для волевыяўлення выбаршчыкаў. Аформлены «Куток выбаршчыка», і ён адразу прыцягвае ўвагу.

– Цеснае ўзаемадзеянне наладжана камісіяй з дырэктарам раённага Цэнтра культуры Алай Сушч, таму і яе заслуга ў тым, што ўчастак поўнасцю падрыхтаваны да выбараў, – адзначае Наталля Хвасько. Сярод першых памочнікаў – і вопытны граматны сакратар камісіі Алена Найдзяновіч.                  

Датэрміновае галасаванне працягваецца. Члены камісіі выконваюць сваю работу хутка і тактоўна. За захаваннем нормаў заканадаўства сочаць назіральнікі. На Ленінскім участку яны прадстаўляюць дзве грамадскія арганізацыі, БРСМ і «Белую Русь», а таксама Камуністычную партыю Беларусі.  

Подробнее

Прочитано 212 раз

Прямая речь

Исаченко Анатолий Михайлович

Председатель Минского областного исполнительного комитета

«…Нужно грамотно выполнять свои должностные обязанности…»

26.07.2018
г.Минск, заседание Минского областного исполнительного комитета