Выборы - 2018 Молодечненский район. У першай палове дня – стопрацэнтная яўка

Такая выбарчая актыўнасць на выбарах у мясцовыя Саветы дэпутатаў была зафіксавана 18 лютага на закрытым другім бальнічным участку для галасавання №13, які аб’ядноўвае дзіцячую бальніцу і бальніцу №2.


Подробная информация

Згодна з заканадаўствам, галасаванне на «закрытых» участках праводзіцца толькі ў асноўны дзень выбараў. Пры гэтым вынікі падводзяцца, калі прагаласавалі ўсе ўнесеныя ў спіс выбаршчыкі. Такіх на ўчастку было 153 чалавекі. Да тых, хто не мог прыйсці на стацыянарны выбарчы ўчастак у фае бальніцы №2 самастойна, члены камісіі наведаліся ў палату. Таксама быў арганізаваны выбарчы абход з пераноснай урнай у дзіцячую бальніцу.

За ходам волевыяўлення сачылі назіральнікі ад БРСМ, РГА «Белая Русь» і прафсаюза работнікаў аховы здароўя. Заўваг і нараканняў з іх боку не было.

-- Выбаршчыкі мелі магчымасць загадзя азнаёміцца з праграмамі кандыдатаў у мясцовыя Саветы дэпутатаў, -- адзначыла старшыня ўчастковай выбарчай камісіі Людміла Джурава. – Інфармацыйныя матэрыялы размяшчаліся на спецыяльным стэндзе. Былі яны таксама ва ўсіх аддзяленнях установы аховы здароўя. Такім чынам, людзі рабілі свой выбар свядома і ахвотна. Давер да кампаніі дадавала і празрыстая урна для галасавання на стацыянарным участку. Дарэчы, выкарыстоўваецца яна ў другі раз.  

Людміла Яўграфаўна падкрэсліла, што ў час выбараў дэпутатаў мясцовых Саветаў дэпутатаў на ўчастку №13 людзі галасавалі за прэтэндэнтаў на дэпутацкія крэслы па тых акругах, да якіх адносіцца ўчастак, а не за тых, дзе выбаршчыкі зарэгістраваныя. Аднак гэта не перашкодзіла выбарчай актыўнасці. Мы ж усе жывём у адным раёне, які ўваходзіць у склад Мінскай вобласці. Таму народныя выбраннікі будуць вырашаць агульныя пытанні.

Прочитано 405 раз

Прямая речь

Исаченко Анатолий Михайлович

Председатель Минского областного исполнительного комитета

«…Всегда надо поступать по закону…»

05.12.2018
г.Борисов, прием граждан