Выборы - 2018 Несвижский район. Дзень выбараў стаў асаблівым днём для сям’і Андрэя і Алены Марозавых

Воскресенье, 18 февраля 2018 17:18  |  Источник  Газета "Нясвіжскія навіны", Соф’я ЛЮБАНЕЦ

Сённяшні дзень — асаблівы для сям’і Андрэя і Алены Марозавых, таму што менавіта сёння Алена Віктараўна з раніцы пачала прымаць віншаванні з юбілейным днём нараджэння. Са святочным настроем яны і накіраваліся на Садовы выбарчы ўчастак №4, дзе прынялі ўдзел у галасаванні, ўзяўшы з сабой малодшага з дзяцей — сына Арцёма.


Подробная информация

Сам Андрэй Віктаравіч, дарэчы, — кандыдат у дэпутаты раённага Савета дэпутатаў па гэтаму ж участку, ваенны камісар Нясвіжскага і Капыльскага раёнаў, да выбараў заўсёды ставіцца сур’ёзна і лічыць, што ўдзел у іх — грамадзянскі абавязак кожнага свядомага чалавека.

— Выбары — гэта доказ таго, што кожны дзеяздольны  чалавек, які дасягнуў пэўнага ўзросту, можа аказаць давер таму, хто ў стане дастойна, на яго думку, прадставіць інтарэсы сваіх землякоў. Выбары — гэта наш удзел у кіраванні краінай праз выяўленне сваёй грамадзянскай адказнасці, — адзначыў ён  у нашай гутарцы.

Андрэй Віктаравіч таксама падзяліўся з карэспандэнтам “НН” тым, што пры выбары кандыдата ў абласны Свет дэпутатаў яго сям’я з упэўненасцю прагаласавала за Людмілу Вітко, таму што яна — малады, але граматны і ўжо дастаткова вопытны кіраўнік, актыўны, мэтанакіраваны чалавек, які мае канструктыўны погляд на жыццё, і, мяркуючы па ўсім, і да сваіх дэпутацкіх абавязкаў будзе ставіцца з такім жа маладым запалам і ўласцівай ёй адказнасцю.

На выбары сям’я Марозавых невыпадкова ўзяла з сабой малодшага сына Арцёма, якому зараз — 12 гадоў.

— Няхай прывыкае да грамадзянскай адказнасці, — гаворыць бацька. — Глядзіць, як адбываюцца выбары. Не заўважыш, як праляціць час, і яму самому прыйдзецца выбіраць.

А сваім малодшым сынам шматдзетная сям’я Марозавых (у Арцёма — дзве старэйшыя сястры) сапраўды можа ганарыцца: у свае 12 гадоў ён ужо праяўляе сябе як хоць і зусім юны, але дастаткова сур’ёзны і адказны чалавек: добра вучыцца ў Нясвіжскай гімназіі, займаецца плаваннем у ДЮСШ, і ўжо радуе бацькоў і трэнера добрымі вынікамі. Так, на спаборніцтвах у Стоўбцах, якія праходзілі 10 лютага, ён выканаў нарматыў другога дарослага разраду, а ў гэты чацвер на спаборніцтвах па выкананні нарматываў фізічнай падрыхтаванасці, што праходзілі ў Салігорску, паказаў лепшы вынік у камандзе. Гэта напэўна стала яшчэ адным падарункам да юбілею яго маме і дадатковай нагодай для святочнага настрою ўсім яго родным.

І, безумоўна, будучыню краіны было, ёсць і будзе каму выбіраць!

Прочитано 527 раз

Прямая речь

Исаченко Анатолий Михайлович

Председатель Минского областного исполнительного комитета

«…Лишь объединяя усилия, возможно решать стоящие перед обществом проблемы…»

21.09.2018
г.Минск, Первый Минский областной форум сельской молодежи