Выборы - 2018 Узденский район. Тройчы – васямнаццаць

18 лютага 2018 года… Гэты дзень ў памяці Сяргея Караля з вёскі Сямёнавічы застанецца надоўга. Чаму? Па-першае, юнаку споўнілася 18 гадоў. Па-другое, ён атрымаў права голасу – прычым не толькі перад роднымі, але і перад краінай уцэлым. Цяпер і яго голас можа многае змяніць.


Подробная информация

Дзень свайго паўналецця юнак вырашыў цалкам не праводзіць у кампаніі родных і сяброў. Ён паспяшаўся ў школу, у якой вучыўся, бо там знаходзіўся выбарчы ўчастак. Прыветліва былога вучня сустрэлі члены камісіі. Старшыня Ала Быліна павіншавала Сяргея з днём нараджэння, уручыла падарунак. Атрымаўшы бюлетэнь, Сяргей прайшоў за штору ў кабінку. Выйшаўшы, накіраваўся да ўрны, куды і апусціў складзеныя папалам лісты.

Выйшаўшы на вуліцу, юнак трохі расказаў пра сябе:

– У гэтай школе я вучыўся, праўда, толькі да дзявятага класа, бо яна базавая. Потым у Магільна ездзіў. Мне прыемна было сёння сустрэцца з Алай Эдуардаўнай, тым больш пачуць ад яе цёплыя словы віншавання. Яна заўсёды была такая ўважлівая да сваіх вучняў.

Цяпер Сяргей рэдка бывае ў роднай вёсцы, толькі на выхадныя прыязджае сюды са сталіцы – вучыцца ў тэхналагічным універсітэце.

– А чаму лясную справу абраў у якасці будучай прафесіі? – пацікавіліся.

– Яна мне падабаецца. Калі перайшоў у Нёманскую школу, там гурток дзейнічаў, ды і сувязь школы з лясніцтвам там добра наладжана. Удзельнічаў у розных акцыях, нават ролю ляснічага на сябе прымераў. Гэта ж так цікава і пазнавальна! Таму і вырашыў паступаць толькі ў БНТУ. І не шкадую. Гэта сапраўды маё.

Прочитано 417 раз

Прямая речь

Исаченко Анатолий Михайлович

Председатель Минского областного исполнительного комитета

«…Всегда надо поступать по закону…»

05.12.2018
г.Борисов, прием граждан