Новости Воложинского района

Вторник, 20 февраля 2018 11:00  |  Источник  Газета "Працоўная слава"

Рэгіянальныя навіны ад члена Беларускага саюза журналістаў Наталлі Штэйнер.

Ветэранская арганізацыя сістэмы адукацыі нашага раёна з’яўляецца адной з самых буйных і працаздольных. У яе радах налічваюцца 559 чалавек, з іх 431 – непрацуючы пенсіянер.

13 ветэранаў педагагічнай працы маюць урадавыя ўзнагароды, 6 чалавек носяць высокае званне заслужаны настаўнік школ БССР, 11 – выдатнік адукацыі. На працягу апошніх дзесяці гадоў раённы Савет ветэранаў сістэмы адукацыі і прафсаюзнага руху ўзначальвае Святлана Леанідаўна Садоўская.

У лютым адбылося сумеснае выязное пасяджэнне прэзідыума галіновага прафсаюза і Савета. Прайшло яно на базе Вішнеўскага ВПК дзіцячы сад-сярэдняя школа. Пачалося знаёмства з Вішневам з наведвання мясцовых могілак: педагогі ўсклалі кветкі да магіл былога загадчыка РАА С. Г. Міцэвіча і дырэктара Вішнеўскай СШ І. В. Часноўскага. Падведзены вынікі работы за мінулы год і акрэслены планы на бягучы. Дырэктар школы А. В. Клімкова пазнаёміла з установай, умовамі для вучобы і пазашкольнай работы. Незабыўнай засталася экскурсія па Вішнеўскіх святынях – наведванне царквы і касцёла, а таксама музеяў Шымона Перэса і Уладзіслава Чарняўскага.

На мінулым тыдні сваю лепту ў святкаванне 210-годдзя з дня нараджэння В. Дуніна-Марцінкевіча ўнёс Івянецкі музей традыцыйнай культуры, дзе прайшла імпрэза “Рамантык з Люцынкі”.

Вучні 6 класа мясцовай школы чыталі вершы юбіляра, Валерый Мазура выканаў аповед Генадзя Равінскага “Ой, рэчанька-рэчанька…”. Шмат цікавых фактаў з біяграфіі класіка беларускай драматургіі расказаў прысутным наш зямляк ракаўчанін Язэп Янушкевіч, які даследуе жыццё і творчасць Вінцэнта Дуніна-Марцінкевіча. Работнікі музея вельмі ўдзячныя названым удзельнікам імпрэзы, а таксама Л. У. Страчынскай, В. М. Бібік, І. А. Солтану, работнікам Івянецкай бібліятэкі за сумесную працу і выдатны творчы настрой, што панаваў падчас мерапрыемства.

На выніковай нарадзе работнікаў культуры супрацоўнікі аддзела бібліятэчнага маркетынгу цэнтральнай раённай бібліятэкі правялі PR-акцыю “Наш Дудар”. Яе галоўнай мэтай была прапаганда творчасці класіка беларускай літаратуры В. І. Дуніна-Марцінкевіча.

Спецыяльна да гэтай акцыі была выпушчана каляровая закладка для кніг з фатаграфіямі юбіляра і спісам яго кніг, якія маюцца ў фондах бібліятэкі. Старэйшае выданне – “Выбраныя творы” – выпушчана ў 1981 годзе ў выдавецтве “Юнацтва”. Ёсць таксама збор твораў у двух тамах, кнігі, прысвечаныя жыццю і творчасці пісьменніка і драматурга.

Вучні 5, 7 і 8 класаў Пяршайскай сярэдняй школы напярэдадні святкавання 100-гадовага юбілею Узброеных Сіл пабывалі на экскурсіі ў музеі баявой славы воінскай часці № 30695.

На гэтым наведванне воінскай часці не абмежавалася. Сельскіх вучняў пазнаёмілі з умовамі пражывання салдат тэрміновай службы, паказалі разборку і зборку аўтамата. З васьмікласнікамі больш размаўлялі пра выбар будучай прафесіі. А 12 лютага капітан Дзмітрый Юхноўскі правёў у 9 класе школы ўрок мужнасці “Ёсць такая прафесія – Радзіму абараняць”.

Адкрыццё новага будынка ДЮСШ з басейнам і некалькімі трэнажорнымі заламі павялічыла магчымасці жыхароў горада і раёна весці здаровы лад жыцця. На гэта ўжо зарыентаваліся многія прафсаюзныя арганізацыі.

Адным з першых у снежні набыў абанементы для сваіх работнікаў раён электрычных сетак, гэту справу працягнулі і ў новым годзе. Найбольшую колькасць абанементаў закупляе “Данпрод”, клапоцяцца пра здаровы лад жыцця ў раённым вузле электрасувязі, філіяле КУП “Мінскаблдарбуд”-“ДРБУ № 167”, “Еўраопце”. У асноўным набываюць абанементы на 8 наведванняў басейна ў месяц, некаторыя прафсаюзы – яшчэ і на заняткі фітнесам. Дарэчы, прафсаюз дарожнікаў на сакавік-красавік запланаваў прыдбаць абанементы для работнікаў дарожна-рамонтных пунктаў, якія размешчаны ў Ракаве, Івянцы і Вішневе.

30 работнікаў жылкамунгаса і 10 – ДРБУ № 167 пабывалі на мюзікле “Дуброўскі” ў Мінскім музычным тэатры.

Прафсаюз камунгаса аплаціў паездку часткова, дарожнікаў – цалкам узяў на сябе выдаткі. Гэта была першая, але далёка не апошняя паездка ў бягучым годзе.

Прочитано 403 раз

Прямая речь

Исаченко Анатолий Михайлович

Председатель Минского областного исполнительного комитета

«…Лишь объединяя усилия, возможно решать стоящие перед обществом проблемы…»

21.09.2018
г.Минск, Первый Минский областной форум сельской молодежи