Новости Воложинского района

Вторник, 27 февраля 2018 10:45  |  Источник  Газета "Працоўная слава"

Рэгіянальныя навіны ад члена Беларускага саюза журналістаў Наталлі Штэйнер.

За мінулы год на ААТ “Валожынскі льнокамбінат” выпушчана 112 тон алею, у тым ліку 47 тон – харчовага.

У месяц на вытворчасці выпускаецца да 15 тон алею, адпаведна за змену – 500-600 кілаграмаў. Харчовы алей, які валодае ўнікальнымі смакавымі якасцямі, з’яўляецца яшчэ і свайго роду лекарам. Першапачаткова ў валожынскага алею быў зусім маленькі тэрмін захоўвання, цяпер жа ён павялічаны да 9 месяцаў. Прадукт рэалізуецца праз гандлёвыя сеткі “Еўрагандаль” і “Белкаапзнешгандаль”, а таксама праз прыватныя гандлёвыя прадпрыемствы па ўсёй краіне. Дзякуючы прадпрыемству “Вернісаж падарункаў”, што месціцца ў Валожыне, для камбіната вырабляюцца невялікія партыі сувенірнай упакоўкі. Зразумела, што алей у бутэльках са скуры, аздобленых ільняной тканінай, каштуе ўдвая даражэй, але з’яўляецца адметным сувенірам. За студзень-люты выраблена па 30 бутэлек сувенірнай прадукцыі. Карыстаецца попытам і тэхнічны алей валожынскай маркі. Экалагічна чысты прадукт набываюць лакафарбавыя заводы Мінска і Ліды, дрэваапрацоўчыя прадпрыемствы рэспублікі.

Да Міжнароднага дня роднай мовы ва ўсіх бібліятэках раёна прайшла акцыя “Размаўляй са мной па-беларуску!”. У той дзень бібліятэчныя работнікі размаўлялі з наведвальнікамі толькі па-беларуску. Былі арганізаваны розныя мерапрыемствы, аформлены кніжныя выставы.

Сёлета фонды цэнтральнай раённай бібліятэкі папоўніліся такімі новымі выданнямі, як першы том двухтомнай энцыклапедыі “Янка Купала” і энцыклапедыя “Францыск Скарына”, кніга Э. Дубянецкага “Асветнікі Беларусі” (Ян Баршчэўскі, Ян Чачот і Ігнат Дамейка), кніга з серыі “Маленькі прафесар”, прысвечанымі беларускай мове, і іншымі. У Валожынскай дзіцячай бібліятэцы сярод школьнікаў сярэдняга ўзросту правялі гульню-віктарыну “Таямніцы родных слоў”, у Івянецкай гарпасялковай бібліятэцы – гульню-падарожжа “Любі, шануй, ведай роднае слова”. У Гародзькаўскай сельскай бібліятэцы прайшла літаратурная гадзіна “Каб бацькоўская мова квітнела”. У раённай бібліятэцы былі аформлены выставы “Адданыя роднаму слову”, дзе выставілі творы класікаў беларускай літаратуры, і “Ты будзеш звінець, наша родная мова”.

Усё новыя і новыя формы работы з наведвальнікамі прапануюць у фізкультурна-аздараўленчым комплексе Валожынскай ДЮСШ.

У студзені тут устаноўлены батут, паскакаць на якім з задавальненнем прыходзяць не толькі дзеці, але і дарослыя. Набыты і ўстаноўлены аэрахакей, два тэнісныя сталы. У лютым пашыраны прэйскурант паслуг, арганізаваны продаж абанементаў на сямейныя сеансы ў басейн: 1 дарослы і 1 (2) дзіця плюс бясплатна 5 хвілін на батуце; 2 дарослых і 1 (2) дзіця плюс 5 бясплатных хвілін дзецям на батуце. Дарослым прапануюць абанемент на 4 наведванні лазні ў месяц плюс 3 разы ў тыдзень басейн. Гэты месяц пакажа, наколькі папулярна такая прапанова.

На працягу гэтага месяца аддзяленне тэрміновага сацыяльнага абслугоўвання тэрытарыяльнага цэнтра сацыяльнага абслугоўвання насельніцтва праводзіць выязную акцыю “Дзеці – наша будучае”. Для дзяцей, якія знаходзяцца ў сацыяльна-небяспечным становішчы, выхоўваюцца ў малазабяспечаных і апякунскіх сем’ях, перадаецца гуманітарная дапамога ў выглядзе адзення і абутку.

У Вішнеўскім вучэбна-педагагічным комплексе дзіцячы сад-сярэдняя школа дапамогу атрымалі 25 дзяцей з 9 сем’яў, у Багданаўскім ВПК – 20 дзяцей з 8 семя’ў, у Гародзькаўскім ВПК – 20 дзяцей з 11 сем’яў, у Пяршайскім – 32 дзіцяці з 10 сем’яў. На чарзе – наведванне з дабрачыннай місіяй Яршэвіцкай і Дорскай школ. А 9 сем’яў, у якіх выхоўваюцца дзеці, якім патрэбны падгузкі, атрымаюць іх і гель для ўмывання.

22 лютага творчы калектыў Івянецкага гарпасялковага дома культуры быў запрошаны ў воінскую часць Кіяўца, каб прыняць удзел у святочнай праграме, прысвечанай Дню абаронцаў Айчыны.

У праграме івянчан былі цыганскія танцы ў выканананні танцавальнага калектыву “Рамалэ”, а таксама сольныя песенныя нумары. У салістак Дома культуры Святланы Ісаенка і Марыны Дзярнейка багаты рэпертуар, гледачы не шкадавалі апладысментаў.

Прочитано 356 раз

Прямая речь

Исаченко Анатолий Михайлович

Председатель Минского областного исполнительного комитета

«…Лишь объединяя усилия, возможно решать стоящие перед обществом проблемы…»

21.09.2018
г.Минск, Первый Минский областной форум сельской молодежи