Новости Воложинского района

Среда, 07 марта 2018 11:42  |  Источник  Газета "Працоўная слава"

Рэгіянальныя навіны ад члена Беларускага саюза журналістаў Наталлі Штэйнер.

З 1 лютага па 20 сакавіка ў раёне праводзяцца рэйды з мэтай праверкі домаўладанняў сацыяльна слабых катэгорый грамадзян, якія вядуць асацыяльны лад жыцця.

Ініцыятарам рэйдаў стаў тэрытарыяльны цэнтр сацыяльнага абслугоўвання насельніцтва. У іх прымаюць удзел таксама работнікі РАУС, РАНС, энерганагляду. Асноўная мэта – прафілактычная работа з гэтай катэгорыяй насельніцтва, выяўленне слабых месцаў у электраабсталяванні, пячным ацяпленні. За люты абследаваны практычна ўсе населеныя пункты і гарадскі пасёлак Івянец. На парадку дня засталіся домаўладанні ў райцэнтры і ў некаторых сельсаветах, куды правяраючыя не змаглі патрапіць папярэдне. На дадзены момант абследаваны 108 домаўладанняў. Выяўлены розныя праблемы, звязаныя з рамонтам пячнога ацяплення, частковай ці поўнай заменай электраправодкі. Рэкамендавана ў кожным доме ўстанавіць аўтаномныя пажарныя апавяшчальнікі. У дамах трох адзінокіх людзей у бліжэйшы час за сродкі раённага бюджэту будзе заменена электраправодка. Накіраваны 32 пісьмы дзецям працаздольнага ўзросту, бацькі якіх пражываюць адны, 5 інфармацый – у сельвыканкамы для ўзаемасупрацоўніцтва, 3 – у РАУС.

Клуб пажылых людзей Івянца, які ўзначальвае М. П. Філіповіч, набыў канчатковую назву – “Натхненне”. На другім пасяджэнні прыняты яго статут, абраны актыў.

Пасяджэнне праходзіла ў кафэ “У францішканаў”. Настаўніца Л. У. Страчынская зрабіла завочнае падарожжа па гістарычных мясцінах старажытнага гарпасёлка. У той дзень павіншавалі імяніннікаў, уручылі ім невялікія падарункі. Івянецкія пенсіянеры сталі ініцыятарамі паездак у валожынскі басейн. Такія паездкі адбыліся ў лютым тройчы. Магчымасць паплаваць скарысталі не толькі члены клуба, але і маладыя жыхары пасёлка.

У мінулым месяцы выхаванцы Ракаўскай дзіцячай школы мастацтваў прынялі ўдзел у некалькіх творчых іспытах.

Вучань 5 класа гітарыст Данііл Сачанка прывёз Дыплом III ступені Рэгіянальнага тура VIII Рэспубліканскага адкрытага конкурсу выканаўцаў на народных інструментах імя І. Жыновіча, які праходзіў у Маладзечне. Рыхтаваў яго да конкурсу выкладчык Сяргей Сяргеевіч Колаш. А навучэнка фартэпіяннага аддзялення Дзіяна Вялічка (выкладчык Алена Ігараўна Гапановіч) адзначана граматай за паспяховы ўдзел у конкурсе “Беларускія карцінкі-2018”, што праводзіўся ў Любані. Кожны з канкурсантаў выконваў па два творы.

Федэрацыя баскетбола Рэспублікі Беларусь прадаставіла магчымасць 20 юным баскетбалістам Валожыншчыны разам з трэнерам Л. У. Хвядчэнем бясплатна пабываць у Палацы спорту ў Мінску на адборачным матчы Чэмпіянату Еўропы па баскетболе паміж жаночымі камандамі Беларусі і Польшчы. Дарэчы, уваход на матч быў строга па спісах.

У холе Палаца спорту абсталявалі гульнявую зону. Жадаючыя мелі магчымасць прыняць удзел у спаборніцтвах па настольных гульнях на прызы ГА “Беларуская федэрацыя баскетбола”.

Напрыканцы лютага ў вёску Алешчаняты Гародзькаўскага сельсавета, дзе месціцца прытулак для бяздомных сабак, які летась адкрылі валожынцы муж і жонка Алена і Ігар Крэйнісы, наведалася здымачная група тэлекампаніі “Мір”.

На працягу нядзельнага дня, 25 лютага, у навінах праходзіў сюжэт пра першапачынальнікаў і іх нялёгкую працу па выратаванні і адаптацыі сабак. Дарэчы, крыху раней сюжэт пра прытулак паказвалі па канале СТБ. У Крэйнісаў на дадзены момант утрымліваюцца 20 сабак рознага ўзросту і розных парод, якім яны разам з валанцёрамі шукаюць новых гаспадароў. Вельмі значную падтрымку аказвае прытулку індывідуальны прадпрымальнік з райцэнтра Юрый Гасціловіч. Некалькі разоў ён прывозіў гадаванцам розныя крупы, у апошні візіт – больш за 300 кілаграмаў сечкі, ячных круп, аўсянкі.

Тэатр-студыю “Ярус”, якая працуе ў раённым Цэнтры культуры, наведваюць 12 вучняў гімназіі № 1, сярэдніх школ горада. Юным тэатралам ад 10 да 15 гадоў.

Кіруе студыяй малады спецыяліст Уладзімір Ціханоўскі. Зараз рабяты працуюць над пастаноўкай па творах Святланы Алексіевіч. Гэта будуць маналогі-ўспаміны дзяцей вайны. Прэм’ера намечана на май.

Прочитано 429 раз

Прямая речь

Исаченко Анатолий Михайлович

Председатель Минского областного исполнительного комитета

«…Лишь объединяя усилия, возможно решать стоящие перед обществом проблемы…»

21.09.2018
г.Минск, Первый Минский областной форум сельской молодежи