Прайшла абласная выстава дэкаратыўна-прыкладной творчасці “Калядная зорка”

21 лiстапада 2018 года ў сярэдняй школе № 8 г. Жодзіна адбылося ўрачыстае завяршэнне абласной выставы дэкаратыўна-прыкладной творчасці “Калядная зорка”.

На ёй было прадстаўлена больш за 230 творчых работ навучэнцаў па наступных намінацыях: “Калядная зорка”, “Навагодняя ялінка”, “Ёлачная цацка”, “Сувенір-падарунак”, “Калядная кампазіцыя”, “Зіма ў Беларусі”, “Зімовы спорт”, “Навагодні персанаж”, “Арт-аб’ект”, “Навагодні касцюм”.

Педагогі і вучні, якiя прыехалi на выставу, мелi магчымасць абмяняцца вопытам, даведацца пра новае i цiкавае ў сучаснай творчасцi. Спецыяліст Нацыянальнага цэнтра мастацкай творчасці дзяцей і моладзі Вольга Мікалаеўна Кашкурэвіч, якая працавала ў складзе экспертнай адборачнай камісіі, адказала на актуальныя пытанні калег.

На мерапрыемстве прысутнiчалi начальнік аддзела па адукацыі, спорту і турызму Жодзінскага гарвыканкама Вольга Iванаўна Галабародава і намеснік начальніка Наталля Міхайлаўна Дудкіна, начальнік аддзела арганізацыйна-метадычнага суправаджэння маладзёжных ініцыятыў Мінскага абласнога інстытута развіцця адукацыі Ірына Францаўна Шульгіна.

Усе прысутныя адзначылi важнасць выставы для папулярызацыi дэкаратыўна-прыкладной творчасці, захавання народных традыцый, развіцця творчых здольнасцяў навучэнцаў. Яны пажадалi удзельнiкам далейшых дасягненняў i перамог.

Экспертная камiсiя выбрала лепшыя 60 работ, якiя будуць прадстаўляць Мінскую вобласць на рэспубліканскім этапе выставы-конкурсу “Калядная зорка.

Жадаем перамогі нашым юным мастакам!

Прочитано 324 раз

Прямая речь

Исаченко Анатолий Михайлович

Председатель Минского областного исполнительного комитета

«…Больше вопросов должны решать местные власти…»

21.05.2019
Солигорский райисполком, прием граждан