Прадстаўнікі Мінскай вобласці ўдастоены ўзнагарод Нацыянальнага конкурсу «Прадпрымальнік года»
Прадстаўнікі Мінскай вобласці ўдастоены ўзнагарод Нацыянальнага конкурсу «Прадпрымальнік года»

Падведзены вынікі Нацыянальнага конкурсу «Прадпрымальнік года» па выніках дзейнасці суб'ектаў гаспадарання за 2020 год, паведамілі ў Мінэканомікі.

glavnaa-8.jpg

Пераможцы ад абласцей і горада Мінска вызначаны па пяці намінацыях. Узнагарод удастоены і прадстаўнікі Мінскай вобласці.

Дарэчы, у намінацыі «Паспяховы старт» пераможцам стала таварыства з абмежаванай адказнасцю «Старобінскі скляпок». «Стабільнага поспеху» дамаглося таварыства з абмежаванай адказнасцю «Інстытут горнай электратэхнікі і аўтаматызацыі». Ўзнагароды за «Эфектыўны бізнес у сферы вытворчасці» ўдастоена таварыства з абмежаванай адказнасцю «Стовек», за «Эфектыўны бізнес у сферы паслуг» - прыватнае гандлёвае ўнітарнае прадпрыемства «ЧырковаПлюс» і за «Эфектыўны індывідуальны бізнэс» - ІП Андрэй Віктаравіч Сыцько.

- 2020 год стаў ва ўсіх адносінах няпростым для бізнесу і ўнёс значныя карэктывы ў намечаныя мэты і планы. Разам з тым, гэты складаны перыяд даў магчымасць для пошуку свежых ідэй, прыняцця нестандартных рашэнняў, ўкаранення новых працэсаў і спосабаў камунікацыі. Пераможцы конкурсу прадэманстравалі яркі прыклад прафесіяналізму, мэтанакіраванасці, адказнасці і адданасці сваёй справе нават ва ўмовах высокай рызыкі, - адзначылі ў ведамстве.

Па традыцыі ўшаноўванне пераможцаў пройдзе ва ўрачыстай абстаноўцы. Лепшым з лепшых па выніках Нацыянальнага конкурсу «Прадпрымальнік года» будуць уручаны дыпломы і памятныя прызы, а таксама падарункі. Прыемным бонусам стане і навінка гэтага года - права выкарыстоўваць у рэкламных мэтах лагатып конкурсу.